Үш жыл ішінде 55 000 тыңдаушы үшін 1000 – нан астам іс-шаралар өткізілді, IT-ның бизнес негіздеріне 10 000-нан астам адам оқытылды, инкубация шеңберінде 849 стартап, 232 стартап - акселерациялар шығарылды. 

Хаб аумағында қазақстандық, сондай-ақ шетелдік қатысушылар үшін ерекше салық режимі қолданылады. Бұл технопаркке 500-ден астам ІТ-компанияларды, сондай-ақ Қырғызстан, Ресей, Украина, Беларусь, Израиль, БАӘ, Оңтүстік Корея, Қытай, Жапония, Сингапур, Ұлыбритания, АҚШ сияқты елдердің 50-ге жуығын тартты.

Үш жыл бойы Astana Hub қатысушылар үшін бірегей мүмкіндіктер жасап келеді: салық преференциялары, стартап-визалар, тегін жұмыс алаңы бар даму бағдарламалары және білім беру іс-шараларына қолжетімділік. Шетелдік қатысушылар арнайы визалық режимді 5 жылға дейін пайдалана алады. 

Үш жыл ішінде стартаптар 166 млрд теңге табыс тауып, 48,4 млрд теңге инвестиция, гранттар мен қарыздар тартты. Салық жеңілдіктерінің арқасында IT-компаниялар 14,9 млрд теңгені үнемдеді.

2021 жылдың қыркүйегінде Astana Hub Tech Orda бағдарламасын іске қосты. Бағдарлама 100 қазақстандыққа жетекші бағдарламалау мектептерінде оқуға 600 000 теңгеге дейінгі сомаға квота береді.

Seed Money бағдарламасын іске асыру аясында өз өнімін дамыту үшін 20 млн теңгені ($47 мың) 5 стартап иеленді.