Мұғалімдер мен оқушыларға аралас (онлайн және офлайн) білім беру форматына бейімделу қиын. Бұл ретте әлі күнге дейін толық қуатында жұмыс істейтін білім беру платформасы жоқ. Атап айтқанда, платформалар мен онлайн Оқу материалдары мүмкіндіктері шектеулі және оқуға ерекше қажеттіліктері бар балаларға бейімделмеген.
⠀
Astana Hub және UNICEF Kazakhstan Қазақстан Республикасының бастауыш және орта мектеп мұғалімдерін білім берудің инклюзивті аралас форматына оқыту және ерекше білім берілуіне қажеттілігі бар балалардың білім алуға қолжетімділігін жақсарту мақсатында білім беру платформасын іздеуді жариялайды.
⠀
Таңдалған платформа инклюзивті аралас білім беру кезінде 12 000 бастауыш және орта мектеп мұғалімдерін оқыту үшін Қазақстанның 11 өңірінде енгізіледі және іске асыру үшін қаржыландыру алады. Сондай-ақ жеңімпаздар платформаны цифрлық қоғамдық игіліктер Альянсы (Digital Public Goods Alliance) қолжетімді цифрландыруды қолдау мен дамытуға ықпал ететін цифрлық қоғамдық игілік ретінде тануға мүмкіндік алады.
⠀
Білім беру платформасы ашық цифрлық өнімдердің (DPG)келесі техникалық және функционалды өлшемдеріне сәйкес келуі керек:
🔸 ашықтығы;
🔸 орталықсыздандыру;
🔸 құпиялылық және қауіпсіздік;
🔸 сандық интеграция;
🔸 өнім сапасы;
🔸 пайдалылық;
🔸 масштабталу.
⠀
Өтінімдерді қабылдау: 2021 жылғы 6 маусымға дейін 20:00-ге дейін
Толық ақпарат мына сілтеме бойынша қолжетімді.

Айта кетейік, Astana Hub IT-стартаптар халықаралық технопаркінің барлық қатысушылары салық жеңілдіктеріне ие болады. Преференциялар қатысушыларды КТС, ҚҚС, тауарлар импортына ҚҚС, роялти салығы, ЖТС және резидент еместер үшін әлеуметтік салық сияқты салықтарды төлеуден босатады. Мемлекеттік қолдаудың осындай шарасы IT-компанияларға үнемделген қаражатты өз жобаларын дамытуға қайта инвестициялауға мүмкіндік береді.