MVP - minimum Viable Product (минималды өміршең өнім) — алғашқы тұтынушыларды қанағаттандыру үшін минималды, бірақ жеткілікті функциялары бар өнім. Негізгі міндет-өнімнің одан әрі дамуы туралы гипотезаларды қалыптастыру үшін клиенттерден кері байланыс алу.

Astana Hub стартаптарды ілгерілету үшін екі бағдарламаны ұсынады - бұл инкубация және акселерация. Акселерация бағдарламасына толығырақ тоқталайық. 

 Акселерация бағдарламасы стартаптың одан әрі өсуіне бағытталған 3 айлық курстан тұрады. Осы уақыт аралығында стартап жобамен жұмыс істейді:

- Менторлар;

- Сіздің стартап жобаңызға жоспар құратын және олардың орындалуын апта сайын қадағалайтын трекер-менеджерлері;

- Командалық білім беру саласында, customer development және т. б. білім беретін басқа салалардың сарапшылары;

Акселерация бағдарламасы жоба тобына қандай бағытта жүру керектігін түсінуге көмектеседі және стартаптың даму жолын жеңілдететін белгілі бір құралдар мен көмек шараларын ұсынады.

Astana Hub тек Қазақстанда ғана емес, сонымен қатар оның шегінен тыс жерлерде де масштабтарды ұлғайтуға зор мүмкіндіктер ашады, яғни халықаралық нарыққа шығуға мүмкіндік береді.

Қосымша Astana Hub бағдарламалардан өту кезінде стартаптарға ұсынады:

- тиімді жұмыс істеу үшін барлық қажеттіліктермен қамтылған заманауи коворкингтер;

- тегін жылдам интернет;

- Expo іскерлік орталығы аумағындағы жайлы кеңселер;

- технологиялық шешімдерді іздейтін корпоративтік инновацияларды енгізуге бағытталған корпорациялар;

Стартаптарға арналған акселерация бағдарламалары әрдайым Demo Day деп аталатын арнайы іс-шарамен аяқталады. Онда стартап жобалар өз өнімдерін кең аудиторияға ұсына алады, сондай-ақ әртүрлі инвесторлармен танысып, сол арқылы өз жобасына инвестициялар тарта алады.

MVP сатысында Astana Hub-тан қолдау алған стартаптардың жарқын мысалдары - СТОgram, Kompra.kz және тағы басқалар.

2018 жылдан бастап Astana Hub IT-стартаптар халықаралық технопаркі акселерацияның тоғыз легін өткізді, соның арқасында әртүрлі сатылардағы көптеген стартап жобалар тек қазақстандықтар арасында ғана емес, басқа елдердің тұрғындары арасында да өз клиенттерін тапты.

Айта кетейік, Astana Hub IT-стартаптар халықаралық технопаркінің барлық қатысушылары салық жеңілдіктеріне ие болады. Преференциялар қатысушыларды КТС, ҚҚС, тауарлар импортына ҚҚС, роялти салығы, ЖТС және резидент еместер үшін әлеуметтік салық сияқты салықтарды төлеуден босатады. Мемлекеттік қолдаудың осындай шарасы IT-компанияларға үнемделген қаражатты өз жобаларын дамытуға қайта инвестициялауға мүмкіндік береді.