МАҢҒЫСТАУ ОБЛЫСТЫҚ ИННОВАЦИЯЛЫҚ ШЕШІМДЕР ХАКАТОНЫ ӨЗ МӘРЕСІНЕ ЖЕТТІ
![](/media/IMAGE_2024-07-01_182006-d6d730bfa464-thumbnail-1500.png)
«Алаш арманы» қоғамдық қоры және «Mangystau Hub» ұйымдастыруымен 2024 жылдың 24-25 маусымында «Holiday Inn» қонақ үйінің кіші конференц залында «MANGYSTAU TECH YOUTH HAKATON» аймақтағы жастар мен жасөспірімдерге арналған Маңғыстау облыстық инновациялық шешімдер хакатоны өтті.
Шара Маңғыстау облысының жастар саясаты мәселелері жөніндегі басқармасының және Азаматтық бастамаларды қолдау орталығының қолдауымен өткізілді.
Хакатон - цифрландыруды дамытуға үлес қосатын Маңғыстау облысындағы жастар арасындағы әлеуметтік мәселелерді шешу мақсатында жиналған мектеп оқушылары, студенттер мен жас IT мамандарының топтық жарысы.
Хакатонның негізгі мақсаты - заманауи және ыңғайлы цифрлық шешімді енгізу арқылы жастар арасындағы әлеуметтік мәселелердің алдын алуға және есірткі тарату, құмар ойындар (лудомания), суицид, ерте жүктілік және жұмыссыздық сияқты негізгі мәселелер туралы хабардар болуға бағытталған инновациялық IT шешімдерін әзірлеу.
Хакатонға 24 сағат ішінде 50 қатысушы Маңғыстау облысының Ақтау қаласында инновациялық шешімдерін әзірлеу үшін 14 командаға біріктірілді. Олар 2 күн ішінде Маңғыстау облысының Ақтау қаласында инновациялық шешімдерін әзірлеумен айналысты.
25-маусымда хакатон қатысушылары Маңғыстау облысының жастар саясаты мәселелері жөніндегі басқармасы, «Алаш арманы» қоғамдық қоры, Mangystau Hub және сырттан шақыртылған IT-сарапшы өкілдерінен құралған қазылар алқасының алдында өз конкурстық жұмыстарын қорғады.
![](https://astanahub.com/media/image_EfB0DAo.jpeg)
Хакатон қорытындысы бойынша:
🥇І орын - «Bit Storm» командасы иеленді (Yessenov University студенттері);
🥈ІІ орын - «Ура работать» командасы иеленді («Назарбаев Зияткерлік мектептері» 11-сынып оқушылары);
🥉ІІІ орын - «SolveNow» («Назарбаев Зияткерлік мектептері» 11-сынып оқушылары) командасы иеленді.
Хакатон жеңімпаздарына арнайы дипломдар мен жүлде қоры 700 000 теңге көлеміндегі қаржылай сертификаттар табысталды. Жеңімпаз командалар өз жобаларын аяқтауға және әрі қарай жүргізуге мүмкіндік алды.
Қаржылай сертификаттар «Алаш арманы» қоғамдық қорының және «Mangystau Hub» аймақтық хабтың демеушілігімен жүзеге асты.
Комментарии 0
Авторизуйтесь чтобы оставить комментарий