Қазақстандық жобалар Францияда орналасқан әлемдегі ең ауқымды Station F стартаптар инкубаторының құрамына кіреді
ҚР Цифрлық даму, инновациялар және аэроғарыш өнеркәсібі министрлігінің делегациясы Қазақстан Республикасының Франция Республикасындағы елшілігі ұйымдастырған Парижге жұмыс сапарын аяқтады. Делегация құрамына министр Бағдат Мусин, «Қазақстан Ғарыш Сапары» ҰК» АҚ, «GHALAM» ЖШС, «РҒБО» АҚ, сондай-ақ Astana Hub және «Әлем» бағдарламалау мектебі басшылығы кірді. Қазақстандық тарап сапарының мақсаты – екі елдің ғарыш өнеркәсібі мен цифрлық экономикадағы өзара ынтымақтастығы мәселелерін қарау.