«АҚШ-та несие картасы арқылы қарыз алу – аса өткір мәселенің бірі. Орташа есеппен,  әрбір американдықта шамамен 30% пайыздық мөлшерлемелені құрайтын 4-ке жуық несие картасы бар. Біз адамдарға қаржылық қиындықты еңсеруге көмектесетін ыңғайлы әрі тиімді шешім ұсынамыз», – дейді Максим Писегов, Avoloan сервисінің негізін тең қалаушы.

АҚШ-та несие карталарын қолданушы саны 167,2 миллион адамға жетті, ал орташа жылдық мөлшерлемелер 22-26%-ды құрайды. Бұл айтарлықтай қаржылық қиындық тудырады. Avoloan қызметі қарыз алушыларға қарызды жауып, оның жүктемесі мен ай сайынғы төлем мөлшерін азайту, қарызды неғұрлым тиімді шарттармен шоғырландырып, қайта қаржыландыру ісінде көмектеседі. Мобильді қосымша биыл қыркүйек айында іске қосылады деп жоспарланып отыр.

Айта кетейік, KuickTech негізін қалаушылары Қазақстандағы технология жаңашылдарының шыңдалуына да белсенді түрде қолдау көрсетіп келеді. Былтыр олар студенттерге арналған, жалпы жүлде қоры 4 млн теңгені құрайтын 2 хакатон ұйымдастырды.