Іс-шара аясында төрт елдің: Грузия, Қырғызстан, Қазақстан және Өзбекстанның IT-парктері арасында меморандумға қол қою рәсімі өтті. Тараптар технопарк резиденттерін басқа елдердің нарықтарына жылжыту бойынша күш біріктіруге, стартаптарды бірлесіп қолдауға, сондай-ақ IT-секторға инвестициялар тартуға уағдаласты.

Келісім жемісті және ұзақ мерзімді ынтымақтастықтың негізін қалайды.

Astana Hub қатысушыларын қолдау кеңсесінің директоры Бақытжан Ешмұхамбетов атап өткендей, бұл оқиға біздің елдеріміз арасындағы өзара қарым-қатынастарды жолға қоюдың жаңа кезеңіне айналмақ және АТ-стартаптардың халықаралық нарыққа шығуы үшін жаңа мүмкіндіктер бермек.