Байқау барысында 34 ел атынан шыққан жобалар 20 түрлі санат бойынша білім беру технологиялары саласындағы жетістіктерін көрсетті. CodiPlay-дің беделді номинациясындағы жеңісі стартаптың халықаралық алаңда мойындалғанын айшықтайды.

«13 қыркүйекте Лондонда біз білім беру технологиялар саласындағы алыптармен бір алаңда жиналдық. Олардың қатарында Ұлыбританияның University College London, Австралияның RMIT College of Business and Law және Германияның Berlin School of Business and Innovation сынды оқу орындары бар. Біз Қазақстан – инновация қайнары және білім беру технологияларындағы лидері екенін дәлелдей алғанымызды, дәлелдеуді жалғастырып келе жатқанымызды мақтан тұтамыз», – деді Жанәділ Талдыбаев, CodiPlay бас директоры әрі негізін қалаушы.

CodiPlay Лондонда сертификат алып, оқу орындарына білім беру технологияларының үздік шешімдерін таңдауға көмектесетін EdTech Impact платформасына қосылды. Жоба мына нәтижелерге қол жеткізді:

• Білім беру роботтары санатында 1-орын,
• Цифрлық және медиа сауаттылық, дизайн технологиялары санаттарында 4-орын,
• Есептеу техникасы саласында 8-орын,
• Сабақтар мен ресурстар санатындағы стартаптар арасында 15-орын иеленді.

Стартаптың негізгі өнімі – CodiPlay қосымшасы, мұнда балалар C++, Scratch пен Python бағдарламалау тілдерін аркадалық ойындар көмегімен үйренеді. Сонымен қатар жүйеде IoT-жобаларын құруға арналған CodiKit робототехника жинақтары мен мұғалімдерді қолдауға арналған CodiTeach веб-платформасы бар.

Бүгінде CodiPlay Қазақстан, Өзбекстан, Оңтүстік Корея, Қатар, Ұлыбритания, Сауд Арабиясы, Әзірбайжан және Индонезия мектептерінде жұмыс істейді. CodiPlay Astana Hub резиденті қатарына қосылып, акселерация бағдарламасынан өтті. Сондай-ақ Seed Money аясында қаржыландыру алды. Жақында стартап NURIS-тің демеуімен БҰҰ Бас хатшылығының қолдауы бар Digital Public Goods Alliance (DPGA) компаниясының цифрлық қоғамдық игілігі (DPG) мәртебесін иеленді.