Astana Hub халықаралық Alem AI орталығының алаңында «Қазақстандағы GameDev-ті жүйелі дамыту» ұранымен өткен GameDev Fest 2026 фестивалі ұйымдастырылды. Бұл фестиваль алғаш рет бір кеңістікте ірі студияларды, инди-әзірлеушілерді, стартаптарды, инвесторларды, білім беру ұйымдарын және суретшілерді біріктірді. Фестиваль Astana Hub жанындағы GameDev Center мен Қазақстанның креативті индустриялар альянсының (CIAQ) бірлескен ұйымдастыруымен өтті.
Фестиваль күні бойы жұмыс істеп, дәстүрлі салалық митап форматынан гөрі тірі шығармашылық алаң ретінде ұйымдастырылды. Қонақтар үшін интерактивті аймақтар жұмыс істеді: инди-жобалар ұсынылған ойын алаңы, Авторлар аллеясы, цифрлық өнер көрмесі, VR-аймақ, медиааймақ, косплей бағдарламасы және ойын белсенділіктері. Ерекше назар жетекші қазақстандық студиялар мен тәуелсіз командалар өз жобаларын таныстырған Демо-аллеяға ауды. Сонымен қатар стратегиялық сессия, панельдік пікірталас және тақырыптық баяндамаларды қамтыған іскерлік бағдарлама өтті.
Фестивальді Astana Hub технологиялық орталықтар кеңсесінің директоры Анарбек Өтегұлов ашты. Одан кейін CIAQ президенті Давид Туғанов цифрлық креативті индустрияларды дамытуға бағытталған негізгі бастамаларды таныстырды: GameDev Center-ді кеңейту, Astana Hub GamePreneurs акселераторын іске қосу, халықаралық серіктестіктерді дамыту және жаңа салалық жобаларды жүзеге асыру.
Авторлар аллеясы: шығармашылықтың шекарасы жоқ
Фестивальдің ең көзге түскен кеңістіктерінің бірі — Авторлар аллеясы болды. Мұнда әдетте бір алаңда тоғыса бермейтін бағыттар біріктірілді: цифрлық мерч, стикерлер мен иллюстрациялар комикстермен, постерлермен және digital art туындыларымен қатар ұсынылды. Аймақтың форматы қонақтың авторлармен тікелей танысып, әр жұмыстың тарихын білуіне мүмкіндік беретіндей етіп құрылды.
«Инди-аймақ пен Авторлар аллеясының кураторы ретінде мен үшін ең маңыздысы — біздің қауымдастықтың ауқымы мен алуан түрлілігін толық көрсету болды. Аллеяда бірегей цифрлық мерч пен стикер жасаушылардан бастап қыш өнерінің шеберлеріне дейінгі мүлде әртүрлі бағыттарды біріктірдік. Шығармашылықтың тар шекарасы болмайды, ал аудиторияның зор қызығушылығы мұны толық дәлелдеді», — деді SHU Studio негізін қалаушы әрі CEO-сы, Қазақстанның креативті индустриялар альянсының GCA (геймдев, киберспорт, цифрлық өнер, анимация) комитетінің үйлестірушісі, инди-аймақ пен Авторлар аллеясының кураторы Малика Игибаева.
Инди-ойындар мен стартаптар: жаңа командаларға арналған сахна
Фестивальдің басты тартылыс нүктелерінің бірі инди-әзірлеушілер аймағы болды. Мұнда еліміздің түкпір-түкпірінен келген жобалар, соның ішінде фестивальге арнайы Алматыдан келген командалар ұсынылды. Қонақтар демо-нұсқаларды ойнап көріп, авторлармен сөйлесіп, әр жобаның қалай пайда болғанын білді.
Аймақта GameDev Center резиденттері, Назарбаев Университеті мен ҚБТУ зертханалары, Visual Floss және Akira тәуелсіз студиялары, Aipreneurs стартаптары, сондай-ақ еліміздің әр өңірінен келген авторлар ұсынылды. Олардың жанында жергілікті әзірлемеден ауқымды өнімге дейін өскен неғұрлым жетілген жобалар да орналастырылды. Осылайша алаңда команданың алғашқы game jam жобасынан толыққанды бизнеске дейінгі даму траекториясы айқын көрінді.
«Инди-әзірлеушілер аймағында біз таланттардың синергиясына ерекше мән бердік. Қазақстанның түкпір-түкпіріндегі авторлармен ынтымақтастықты белсенді түрде нығайтып келеміз, сондықтан Алматыдан арнайы келген жобаларды көру біз үшін ерекше құнды болды», — деп атап өтті Малика Игибаева.
VR-аймақ және он жеңімпаз
Фестивальдің технологиялық басты жаңалығы екі жобадан тұратын VR-аймақ болды: VR-шутер және VR-платформер. Екі ойын да қазақстандық командалардың әзірлемесі және екеуі де көрермендердің үлкен қызығушылығын тудырып, ұзын-сонар кезек жинады. Платформер жобасының айналасында ұйымдастырушылар байқау механикасын құрып, ойын нәтижесі бойынша 10 жеңімпазды анықтады. Олар ұйымдастырушылар мен серіктестердің арнайы сыйлықтарына ие болды. Бәсекелі формат VR-аймақты фестивальдегі ең көп адам жиналған орындардың біріне айналдырды.
Ұйымдастырушылар шығармашылық аймақтарда ұсынылған жұмыстардың қолдан жасалған табиғатына да ерекше тоқталды.
«Мұнда суретшілердің жұмыстары ұсынылған — олардың барлығы қолдан жасалған, мұнда жасанды интеллект жоқ, бұл балалардың өз қолымен жасаған еңбегі. Мұнда хендмейд те, комикстер де бар. Ал әрі қарай VR-аймақ орналасқан — ондағы жобалар да қолдан жасалған, өзіміздің, қазақстандық жобалар», — деді Малика Игибаева.
Astana Hub халықаралық Alem AI орталығының алаңында «Қазақстандағы GameDev-ті жүйелі дамыту» ұранымен өткен GameDev Fest 2026 фестивалі ұйымдастырылды. Бұл фестиваль алғаш рет бір кеңістікте ірі студияларды, инди-әзірлеушілерді, стартаптарды, инвесторларды, білім беру ұйымдарын және суретшілерді біріктірді. Фестиваль Astana Hub жанындағы GameDev Center мен Қазақстанның креативті индустриялар альянсының (CIAQ) бірлескен ұйымдастыруымен өтті.
Фестиваль күні бойы жұмыс істеп, дәстүрлі салалық митап форматынан гөрі тірі шығармашылық алаң ретінде ұйымдастырылды. Қонақтар үшін интерактивті аймақтар жұмыс істеді: инди-жобалар ұсынылған ойын алаңы, Авторлар аллеясы, цифрлық өнер көрмесі, VR-аймақ, медиааймақ, косплей бағдарламасы және ойын белсенділіктері. Ерекше назар жетекші қазақстандық студиялар мен тәуелсіз командалар өз жобаларын таныстырған Демо-аллеяға ауды. Сонымен қатар стратегиялық сессия, панельдік пікірталас және тақырыптық баяндамаларды қамтыған іскерлік бағдарлама өтті.
Фестивальді Astana Hub технологиялық орталықтар кеңсесінің директоры Анарбек Өтегұлов ашты. Одан кейін CIAQ президенті Давид Туғанов цифрлық креативті индустрияларды дамытуға бағытталған негізгі бастамаларды таныстырды: GameDev Center-ді кеңейту, Astana Hub GamePreneurs акселераторын іске қосу, халықаралық серіктестіктерді дамыту және жаңа салалық жобаларды жүзеге асыру.
Авторлар аллеясы: шығармашылықтың шекарасы жоқ
Фестивальдің ең көзге түскен кеңістіктерінің бірі — Авторлар аллеясы болды. Мұнда әдетте бір алаңда тоғыса бермейтін бағыттар біріктірілді: цифрлық мерч, стикерлер мен иллюстрациялар комикстермен, постерлермен және digital art туындыларымен қатар ұсынылды. Аймақтың форматы қонақтың авторлармен тікелей танысып, әр жұмыстың тарихын білуіне мүмкіндік беретіндей етіп құрылды.
«Инди-аймақ пен Авторлар аллеясының кураторы ретінде мен үшін ең маңыздысы — біздің қауымдастықтың ауқымы мен алуан түрлілігін толық көрсету болды. Аллеяда бірегей цифрлық мерч пен стикер жасаушылардан бастап қыш өнерінің шеберлеріне дейінгі мүлде әртүрлі бағыттарды біріктірдік. Шығармашылықтың тар шекарасы болмайды, ал аудиторияның зор қызығушылығы мұны толық дәлелдеді», — деді SHU Studio негізін қалаушы әрі CEO-сы, Қазақстанның креативті индустриялар альянсының GCA (геймдев, киберспорт, цифрлық өнер, анимация) комитетінің үйлестірушісі, инди-аймақ пен Авторлар аллеясының кураторы Малика Игибаева.
Инди-ойындар мен стартаптар: жаңа командаларға арналған сахна
Фестивальдің басты тартылыс нүктелерінің бірі инди-әзірлеушілер аймағы болды. Мұнда еліміздің түкпір-түкпірінен келген жобалар, соның ішінде фестивальге арнайы Алматыдан келген командалар ұсынылды. Қонақтар демо-нұсқаларды ойнап көріп, авторлармен сөйлесіп, әр жобаның қалай пайда болғанын білді.
Аймақта GameDev Center резиденттері, Назарбаев Университеті мен ҚБТУ зертханалары, Visual Floss және Akira тәуелсіз студиялары, Aipreneurs стартаптары, сондай-ақ еліміздің әр өңірінен келген авторлар ұсынылды. Олардың жанында жергілікті әзірлемеден ауқымды өнімге дейін өскен неғұрлым жетілген жобалар да орналастырылды. Осылайша алаңда команданың алғашқы game jam жобасынан толыққанды бизнеске дейінгі даму траекториясы айқын көрінді.
«Инди-әзірлеушілер аймағында біз таланттардың синергиясына ерекше мән бердік. Қазақстанның түкпір-түкпіріндегі авторлармен ынтымақтастықты белсенді түрде нығайтып келеміз, сондықтан Алматыдан арнайы келген жобаларды көру біз үшін ерекше құнды болды», — деп атап өтті Малика Игибаева.
VR-аймақ және он жеңімпаз
Фестивальдің технологиялық басты жаңалығы екі жобадан тұратын VR-аймақ болды: VR-шутер және VR-платформер. Екі ойын да қазақстандық командалардың әзірлемесі және екеуі де көрермендердің үлкен қызығушылығын тудырып, ұзын-сонар кезек жинады. Платформер жобасының айналасында ұйымдастырушылар байқау механикасын құрып, ойын нәтижесі бойынша 10 жеңімпазды анықтады. Олар ұйымдастырушылар мен серіктестердің арнайы сыйлықтарына ие болды. Бәсекелі формат VR-аймақты фестивальдегі ең көп адам жиналған орындардың біріне айналдырды.
Ұйымдастырушылар шығармашылық аймақтарда ұсынылған жұмыстардың қолдан жасалған табиғатына да ерекше тоқталды.
«Мұнда суретшілердің жұмыстары ұсынылған — олардың барлығы қолдан жасалған, мұнда жасанды интеллект жоқ, бұл балалардың өз қолымен жасаған еңбегі. Мұнда хендмейд те, комикстер де бар. Ал әрі қарай VR-аймақ орналасқан — ондағы жобалар да қолдан жасалған, өзіміздің, қазақстандық жобалар», — деді Малика Игибаева.
Бөлісу
