29 қыркүйекте VC School (Venture Capital School) білім беру курсының бесінші легі аясында Алматыда офлайн форматта Smart City Accelerator Almaty бағдарламасына қатысушылар — стартаптардың питчингі өтті.

Smart City Accelerator Almaty - Алматы қаласы әкімдігі цифрландыру басқармасы мен Astana Hub технопаркінің бірлескен бағдарламасы. Жоба қалалық қызметтерді цифрландыруға және жайлы қалалық орта құруға бағытталған.

Шақырылған қонақтар: YellowRockets Group компаниясының негізін қалаушы Сергей Богданов, YellowRockets.vc венчурлық қордың басқарушы серіктесі Дмитрий Сутормин мен ИБДҚ портфелінің менеджері Илья Королев жаңадан келген инвесторлар үшін шеберлік сабағын өткізді. Курс тыңдаушылары стартаптың келешегін, оның өсу мен масштабтауға дайындығын тез және тиімді бағалау үшін қандай сұрақтар қою керектігін білді.

• Маған таяудағы үш жылға арналған жоспарлар туралы, сондай — ақ біздің компанияның монетизациялау стратегиясы туралы сұрақ қойылды, - дейді OKOO Ltd. жобасының негізін қалаушы Дінмұхамед Жүнісов. OKOO - бұл компьютерлік ғылымды оқыту процесін жеңілдететін және оңтайландыратын мектептерге арналған сандық білім беру платформасы. Бүгінгі таңда платформада 10 000-нан астам пайдаланушы тіркелген.

Airflux стартапының негізін қалаушы — Рустам Қабден — инвесторлар алдындағы тұсаукесерде өз өнімінің құндылығын атап өтті: бұл денсаулық, жайлылық және қауіпсіздік. Компания қол жетімді бағамен көп функциялы бризер құралдарын шығаруға мамандандырылған.  

Бүгінгі таңда өзекті "телеметрия" бағытында дамып келе жатқан QIoT стартапының командасы заттар интернеті технологиясы негізінде - "ақылды қалалық рецепторларды" әзірледі. Бұл қала бойынша деректерді қашықтан бақылау және жинау. CBDO командасының жобасын Айгерім Нұрмағамбетова таныстырды.

Сонымен қатар, "СТОgram" компаниясының негізін салушы Жандос Тұрсынбаев сәтті стартап құрудың кейсін ұсынды. Бүгінде бұл автокөлік иелері мен автосервистердің проблемаларын шешуге арналған танымал сервис: тегін ТҚС іздеу, жеткізу және көтерме бағамен қосалқы бөлшектерді сатып алу. 

• Astana Hub Қазақстандағы ең ірі технопарк ретінде екі тараптың да қажеттіліктерін бірінші жылдан бері шешіп келеді. Технопарк тұрақты негізде іс — шаралар өткізіп тұрады, онда технологиялық стартаптар түрлі елдердің жаңадан бастаған және жұмыс істеп жатқан инвесторларының алдында өз өнімдерін ұсына алады, - дейді халықаралық қатынастар, инвестициялар және экспорт кеңсесінің директоры Танат Ускембаев.  - Осындай дәстүрлі оқиғалардың бірі Invest day - үздік инвестициялық-тартымды технологиялық стартаптар өздерінің бизнес-жобаларын әлеуетті инвесторларға, бизнес-періштелерге және венчурлық қорларға ұсынатын алаң болып табылады. 2021 жылы Invest day-ға Қазақстан, Әзірбайжан, Ресей, Украина, Сингапур және басқа елдердің инвесторлары келді.