«Бұл сапарымыз цифрлық инновацияларды өңірлік өркендеу мақсатында пайдалануға деген ортақ ұмтылысымызды сипаттайды. Цифрлық және технологиялық салалардың өкілдері ретінде біз экономиканы дамыту мен сын-тегеуріндерді еңсеру мүмкіндіктерін зерттеп, ОАӨЭЫ өңірі аясындағы серіктестікті күшейтпекшіміз. Astana Hub-тағы бүгінгі іс-шара жарқын цифрлық болашақты құрудағы көзқарас пен бастамаларды ұштастырып, әріптестік пен даму жолын айқындайды», - деді Арндт Хусар, Азия даму банкінің мемлекеттік басқару жөніндегі аға маманы.

Жиналғандар баяндамаларды тыңдап қана қоймай, пікір алмасу алаңында технологиялық жобалармен тікелей танысу мүмкіндігіне ие болды. Атап айтқанда,  компаниялар қатарында Forest Hero, Diagnostics at Home, i-Line.kz, Qala.AI, Tastamat, TrustMe, BTS Digital мен өзге де ұйымдар болды. Оларға өз өнімдері мен шешімдерін венчурлық капиталистер мен инвесторларға ұсынуға, іскерлік және жаңа әріптестік байланыс орнатуға жағдай жасалды.

Жәрмеңкеге қатысқан компаниялар арасында әлемдегі ең ірі сауда платформасы – Alibaba Group болды. Іс-шара барысында Alibaba өкілдері Astana Hub-тың бірнеше болашағы зор стартабымен кездесді. Осылайша, электрондық коммерцияның жаһандық экожүйесінде тоғысу және әріптестік орнату мүмкіндіктерін қарастырды.

Цифрлық сауда жәрмеңкесі Азия даму банкі мен Astana Hub халықаралық технопаркінің қолдауымен ұйымдастырылды. 80-ге жуық қатысушыны жинаған іс-шара өзара әрекеттесудің жарқын үлгісі болды. Сондай-ақ бизнесті дамытып, Орталық Азияның экономикалық әлеуетін нығайту үшін жаңа серпін берді.