Байқауға қатысушыларға үш бағыт бойынша техникалық тапсырмалар ұсынылды. Іріктеу кезеңі кезінде министрлікке бес өтінім түсті: екеуі Deftech веб-порталын әзірлеуге, үшеуі ЖОО-да оқуға грант алу үшін әскерге шақырылғандар арасында конкурстық іріктеу үшін бағдарламалық өнімді құруға.

«Жыл соңына дейін әскерге шақырылушыларға азық-түлік сапасын, киім-кешекпен қамтамасыз етудің толықтығын және басқа да параметрлерді бағалауға мүмкіндік беретін бағдарлама бойынша хакатон өткізуді көздеп отырмыз. Келесі жылы тағы үш-бес жарыс өткіземіз. Қазір министрлік мұндай шешімдердің қажеттілігін анықтап, «үй тапсырмасын» дайындап жатыр. Біз олар туралы сайтта техникалық тапсырманы жариялау арқылы нарыққа айтамыз», - деп жоспарларымен бөлісті Қорғаныс министрінің орынбасары Дархан Ахмедиев.

«Defence Tech 2.0» хакатонында 5 жоба қарастырылды: Intelligent Data Solutions, 21 Tech, Platonus, Жанат Абкенов, Самал Кабжанова.

«Біздің веб-сайт құрылғылардың барлық түрлеріне бейімделген. Функционалдықты өзгертуге немесе қосуға болады. Сайт үш тілде құрылған: қазақ, орыс, ағылшын. 24/7 техникалық қолдау және жыл сайынғы қызмет көрсету. Сайт екі күн ішінде іске қосылады», - деп Жанат шешімін ұсынды.

Жобаларды қазылар алқасы қарады:

- Нияз Белгибеков, «Әскери-стратегиялық зерттеулер орталығы» АҚ вице-президенті

- Людмила Перякина, ҚР Қорғаныс министрлігі әскери білім және ғылым департаменті бастығының орынбасары

- Дарын Маулетов, ҚР Қорғаныс министрлігі ақпараттандыру департаментінің офицері

- Максутбек Айтмаганбет, «Әкелер одағы» республикалық қоғамдық бірлестігінің төрағасы

- Ерсаинов Ержан, «Қазақстандық ГАЖ орталығы» АҚ басқарма төрағасының орынбасары

Екі жоба жеңімпаз деп танылды - Astana Hub қатысушысы - Intelligent Data Solutions және Жанат Әбкенов. Жеңімпаздардың жобалары келісімшартқа қол қою перспективасымен пилоттық режимде іске қосылады, ал Қорғаныс министрлігі оларды одан әрі іске асыру мүмкіндігімен перспективалық жобаларды әзірлеуге жәрдемдеседі.