Бұған дейін қала әкімдігі инновациялық шешімдер іздеп жатқанын хабарлаған болатын. Pitch Day-ге қатысуға 50-ден астам өтінім түсті, олардың ішінде 8 IT-жоба іріктелді.

Шараға Астана қаласы әкімінің орынбасары Евгений Глотов; ҚР ЦДАӨМ ақпараттық технологиялар саласын дамыту департаментінің директоры Ерсұлтан Ерманов және «Астана қаласының цифрландыру және халыққа қызмет көрсету басқармасы» мемлекеттік мекемесінің басшысы Мейрамбек Әшірбеков қатысты.

 Pitch Day аясында ұсынылған жобалар білім беру, денсаулық сақтау, тұрғын үй-коммуналдық шаруашылық, қауіпсіздік және көлікті қоса алғанда әртүрлі саланы қамтиды. Шара барысында келесі жобалар ұсынылды:

• Smart-eam – кәсіпорын активтерін басқару бағдарламалық құралы.
• Ekgov – цифрлық көп функционалды смарт қала платформасы.
• TrustContract – SMS растау арқылы келісімшарттарға қол қоюға арналған онлайн  сервис.
• Digital Lab – физика, химия, биология бойынша виртуалды зертханалық кабинет.
• IZIDOS – спорт алаңдары мен қалалық іс-шараларды басқаруға арналған мобильді қосымша.
• E-KNOT – көппәтерлі үйлерді тиімді басқаруға арналған кешенді шешім.
• DAJI – «Жасыл дренаж» жүйесі – өсімдіктері бар дренаж құдықтар.

Шара соңында толығырақ талқылау және ұсынылған шешімдерді жүзеге асыру мүмкіндігін алу үшін қалалық құрылымдардың өкілдерімен тағы бір кездесу жоспарланды. Әкімдік қазіргі проблемаларды шешу үшін қаржы ұсына отырып, коммуналдық саладағы стартаптарды да қолдауға дайын.

Astana Hub және Астана қаласының әкімдігі кәсіпкерлік бастамаларды қолдайтын және елорданың инновациялық дамуын ынталандыратын іс-шараларды тұрақты түрде өткізіп жүр,  бұл - биылғы жылдың соңғы, жетінші Pitch Day іс-шарасы.