Технопарк корпорациялардағы инновацияларды дамытуға қалай көмектеседі?

Қазіргі әлемде бәсекелестіктің негізгі әдістерінің бірі инновация болып табылады. Корпоративтік инновация – бұл кәсіпорындардың жаңа инновациялық шешімдерді қолданыстағы бизнес үлгілеріне енгізу процесі. Инновациялық бизнес дамуы мүмкін екі модель бар: ашық инновация модельі және ішкі (жабық) инновация модельі. Astana Hub ашық инновацияларға бағытталған. Мұнда арнайы кеңсе жұмыс істейді, оның негізгі бағыты корпоративтік инновацияларды дамыту және цифрлық құзыреттілік деңгейін арттыру болып табылады. Технологиялық және инновациялық шешімдерді табуға және қолдануға арналған құралдарға челлендждер, скаутингтер, хакатондар және т.б. жатады. Сонымен, инновациялар не үшін қажет?

• Технологияларды оңтайландыру және дамыту үшін;

• Корпорацияның тиімділігі мен өсуін арттыру үшін;

• Қызметтер мен өнімдерді құру және жетілдіру үшін;

Astana Hub корпоративтік инновациялық кеңсесі стартаптар мен корпорациялар арасындағы көпір болып табылады. Корпоративтік инновацияның негізгі мақсаты жаңа технологияларды стратегиялық енгізу екенін ескере отырып, осы мақсаттар үшін стартаптарды табу маңызды. Дәл осымен Astana Hub корпорацияларға белсенді түрде көмектеседі.

Егер стартап қолайлы болса, инновациялық топ бірлескен өнімді немесе пилотты басқарады. Бұл стартаптарға корпорацияның бизнес үлгісімен толық интеграциялану алдында өз өнімдерін қауіпсіз ортада сынап алуға мүмкіндік береді. Инновациялық топ осы сынақ кезеңінде стартаптарды бағалауға және олардың толық ауқымды енгізуге дайын екендігін анықтауға жауапты.

 Айта кетейік, Astana Hub IT-стартаптар халықаралық технопаркінің барлық қатысушылары салық жеңілдіктеріне ие болады. Преференциялар қатысушыларды КТС, ҚҚС, тауарлар импортына ҚҚС, роялти салығы, ЖТС және резидент еместер үшін әлеуметтік салық сияқты салықтарды төлеуден босатады. Мемлекеттік қолдаудың осындай шарасы IT-компанияларға үнемделген қаражатты өз жобаларын дамытуға қайта инвестициялауға мүмкіндік береді.