«Битрикс24. Корпоративтік портал» бағдарламалық қамтамасыз ету базасында әзірленген Ұлттық жобаларды басқару және мониторингтеу платформасы ақпараттық қауіпсіздік талаптарына сәйкестігі сынағынан сәтті өтті. 

Сынақ Қазақстанның мемлекеттік техникалық қызметінде өткізілді, нәтижесінде жүйе 5 оң хаттама алды: "Бастапқы кодты талдау", "Ақпараттық қауіпсіздік функциялары, "Жүктемелік сынақтар", "Ақпараттық қауіпсіздікті қамтамасыз ету процестерін тексеру" және "Желілік инфрақұрылымды тексеру.

Ұлттық жобаларды басқару және мониторингтеу платформасы Қазақстан Республикасының орталық және жергілікті атқарушы органдары үшін бірыңғай ақпараттық жүйе ретінде пайдаланылады. Жоба Битрикс24-тің қораптық нұсқасын қолданады, бұл – жеке баптаулары бар корпоративті портал. Ақпараттық жүйе Мемлекет басшысының және ҚР Президенті Әкімшілігінің тапсырмаларын бүкіл ел аумағында мемлекет қатысатын бағдарламалар мен жол карталарын іске асыру шеңберінде онлайн режимде орталықтандырылған түрде орындауға мүмкіндік береді.

"Тексеру соңында жүйенің жоғары сенімділік көрсеткенін қуана хабарлаймыз. Жоба үлкен жүктемелерге төтеп бере алады және қажетті бағдарламалық жасақтаманы біріктіруге мүмкіндік береді. Енді сәтті аттестаттаудан кейін платформа өнеркәсіптік пайдалануға беріледі. Бұл елге барынша пайда әкеледі деп үміттенеміз", - деді Битрикс24 Қазақстан директоры Сармантай Қасенов.