51 бейне сабақ пен 4 модульді қамтитын “AI негіздері: ChatGPT” курсынан Skillbox білім беру платформасында ақысыз өтуге болады. Сабақтар қазақ және орыс тілдерінде жүргізіледі. Қатысу үшін Astana Hub платформасында немесе технопарктің мобильді қосымшасы арқылы тіркелу жеткілікті.

Курс ChatGPT пайдаланудың әртүрлі аспектілерін қамтиды, соның ішінде:

• Нейрондық желілердің негіздері, олардың мүмкіндіктері мен шектеулері.

• Дәл және пайдалы нәтижелерді алу үшін тиімді сұраулар жасау.

• Жұмыстағы және жеке процестердегі күнделікті тапсырмаларды автоматтандыру үшін ChatGPT пайдалану.

Тренинг барысында пайдаланушылар:

• Нейрондық желілермен жұмыс істеу негіздерін меңгереді.

• Қажетті нәтижелерді алу үшін сұраулар жасауды үйренеді.

• Мазмұн жасау, кодтау, маркетинг және т.б. сияқты күнделікті және кәсіби тапсырмаларға дағдылар қалыптастырады.

Бұл «AI негіздері: ChatGPT» онлайн курсы Қазақстанда жасанды интеллектті (AI) дамытуға бағытталған AI Movement ауқымды бастамасының бөлігі ретінде жүзеге асырылуда. Еске салсақ, Мемлекет басшысы халыққа Жолдауында «Қазақстан жасанды интеллект кеңінен қолданылатын және цифрлық технологиялар дамыған елге айналуы тиіс» деп атап өткен болатын.