Стартаптар питчингі келесі сарапшылармен бағаланды:
- - Мақсат Көшімбаев, ҚР ЦДИАӨ бірінші вице-министрдің кеңесшісі.
- Екатерина Лучанинова, Yandex Cloud Boost стартаптар қауымдастығының жетекшісі.
- Аслан Шангутов, "Аманат"сақтандыру компаниясының former CDO.

Бағыт бойынша стартаптар әртүрлі болды. 

Мысалы, Aq Zhol стартапы жүргізушінің жағдайы мен мінез-құлқын бақылау жүйесі бар екі камералы бейнетіркегішті таныстырды, ASUP стартапы азық-түлік дүкендері мен мейрамханаларға арналған тауарларға тапсырыс беруді автоматтандыруға арналған өзінің қосымшасы туралы айтты. Әлеуметтік бағыт балабақшаларды автоматтандыру бойынша Macros жобасын таңдады. Kaz Uroki тілдік онлайн-мектебі мен толықтырылған нақтылық бойынша Ar Studio стартаптарының тұсаукесерлері қызықты болды. 

Қазірдің өзінде "Glovo" және "Wolt" компанияларының серіктестері қатарында бірден кассаға агрегаторлардан онлайн-тапсырыстарды біріктіретін Kwaaka жобасы ең озық стартап болып шықты. 

Екатерина Лучанинованың айтуынша, ол үшін жобаларда инновациялық бастама маңызды.

"Егер жоба дамудың бастапқы сатысында болса, бірақ жоба идеясы жаңашылдыққа, инновацияға алып келсе, онда біз Yandex Cloud-тың B2B ресурстарына қолжетімділікті одан әрі дамыту үшін қолдауға, ұсынуға дайынбыз", - деп сарапшы атап өтті. 

Аслан Шангутов стартаптарға батыл әрі сенімді болуға кеңес берді. 
"Бұл кез-келген стартап үшін маңызды!",- деді ол.

Мақсат Көшімбаев өз кезегінде ең перспективалы жобаларды қолдауға дайын екендігін білдірді, олардың ішінде Лwaaka стартапын және Aq Zhol атады.

Нәтижесінде стартаптар мен кездесуге қатысушылар жобаларды дамыту, дұрыс таныстыру бойынша құнды кеңестер алды, іс-шара демеушісі "SF" компаниясының дәмді пиццасынан дәм татты. Іс-шараны қолдаған басқа да демеушілер қатарында Kazakhtelecom Business, Yandex Cloud Boost компаниялары бар.