Terricon Valley алаңында өткен баспасөз конференциясында жобаның жетекшісі Елена Тропинова мен аға менеджер Ерсайын Қабдрашев, сондай-ақ Terricon School директоры және Terricon Valley іс-шаралар бөлімінің басшысы Ангелина Саратовкина БАҚ өкілдерімен, Қарағанды мектептерінің мұғалімдерімен, қатысушылардың ата-аналарымен және қоғам белсенділерімен кездесіп, өңірде көшбасшылық білім беруді дамыту және Beginit жобасының жаңа көкжиектері туралы талқылады. Айта кетейік, бұл бағдарлама биыл Қазақстанның 10 өңірін және Қырғызстанның бір аймағын қамтып, халықаралық жобаға айналды.

Өңірлік іріктеу турлары Қазақстанның облыс орталықтарында өтеді. Мектеп оқушылары, қала және ауыл-аймақтан жиналып, жобаның негізгі серіктесі — Astana Hub өңірлік өкілдіктерінде бас қосады. Оқушылар интерактивті воркшоптарға қатысып, жоба туралы кеңірек ақпарат алып, әлеуметтік көшбасшылық пен жергілікті қауымдастықтың дамуына араласудың маңызын түсінеді. Іс-шара барысында қатысушылар байқау тапсырмаларын орындап, әлеуметтік көшбасшы идеясын қаншалықты қолдайтындарын және өңірлерінде өмір сапасын жақсартуға бағытталған жобаларды ойлап тауып, іске асыруға дайын екендерін көрсетеді. Іріктеу қорытындысы бойынша келесі кезең — білім беру модуліне өтінім берген қатысушылардың 60%-дан астамы өтеді. Мұнда олар әлеуметтік жобалар мен көшбасшылық құралдарын тереңірек меңгереді.

Толығырақ білу үшін мына сілтемеге өтіңіз.