"Біз қаланы дамыту үшін әлеуметтік-экономикалық тиімділігі бар практикалық жобаларға қолдау көрсетеміз. Бүгін біз мұндай жобалар бар екенін және олардың көп екенін көрдік. Әкімдік инновациялық шешімдер үшін ашық, әсіресе егер олар азаматтардың өмірін жақсартуға бағытталған болса. Біз өтінім жіберген барлық стартаптарды тыңдауға дайынбыз, неғұрлым перспективалы болып табылатын стартаптармен пилоттық жобаларды іске қосамыз. Ол үшін Pitch Day - ды ай сайын өткіземіз",-деп атап өтті Нұр-Сұлтан қаласының Цифрландыру және мемлекеттік қызметтер басқармасының басшысы Мейрамбек Әшірбеков.
 
Алғышқы Pitch Day-де қалалық инфрақұрылымдағы су деңгейін мониторингілеу бойынша жоба, елорданың Бірыңғай ақпараттық көлік жүйесі, сарқынды сулардың толып кетуін ерте алдын алудың автоматты жүйесіне арналған ГАЖ-портал құру бойынша жобалар және т.б. ұсынылды. 
 
Өтінім берген барлық жобалардың бағыты әртүрлі - білім беру, денсаулық сақтау, ТКШ, экология, қауіпсіздік және көлік. Жобаларды нетворкинг, питчингтер және қалалық құрылымдармен өзара іс-қимыл күтеді. 

"IT-нарығы үшін-бұл өзін әкімдікке таныстырудың және олардың атынан қолдау табудың бірегей мүмкіндігі. Ең бастысы, осылайша стартаптар қаланың дамуына өз үлестерін қоса алады. Astana Hub осындай бастамалардың алаңы болуға, олар үшін қосымша мүмкіндіктер жасай отырып, IT-жобаларды ілгерілетуге дайын", - деп атап өтті Astana Hub корпоративтік инновациялар және цифрлық құзыреттер кеңсесінің директоры Танат Өскембаев.
 
Естеріңізге сала кетейік, бұған дейін Нұр-Сұлтан қаласының әкімдігі мен Astana Hub IT-шешімдерді іздейтіні туралы хабарлаған болатын. Осылайша, стартаптар әкімдік алдында өз жобаларын таныстыруға және қаланың дамуына өз үлестерін қосуға мүмкіндік алды.