Most холдингі және Сингапурлық инвестициялық Investbanq платформасы (Paladigm Capital) 2023 жылдың 2 маусымында Алматы қаласында ‒ Central Eurasian Venture Forum (бұдан әрі CEVF) ‒ инвесторлар, стартаптар және стартап экожүйесінің басқа да қатысушылары үшін ауқымды іс-шара өткізеді. Биыл форум қатысушылардың географиясын кеңейтіп, бүкіл Орталық Еуразияны қамтиды.
Ұйымдастырушылар ортақ тақырыпты "Жасанды интеллект дәуіріндегі адами капитал"деп анықтауға шешім қабылдады. Осылайша, адами капитал кез-келген ұйымның сәтті жұмыс істеуі үшін маңызды фактор болып қала береді. Автоматтандыру және роботтандыру саласындағы елеулі жетістіктерге қарамастан, ақылды және талантты адам жоғары өнімділік пен бәсекеге қабілеттілікке қол жеткізу үшін таптырмас ресурс болып қала береді. Бұл философия Орталық Еуразия елдерінде белсенді өсіп, дамып келе жатқан стартап мәдениетін көрсетеді.

"2023 жыл жасанды интеллектті дамыту үшін революциялық жыл болды. Жаңа технологиялар біздің  шынайылығымызды өзгертті, алайда өзгеріс мұнымен тоқтап қалмайды. Сондықтан венчурлық нарық әрбір инвесторға болашақтың бір бөлігі болуға және Еуразиялық аймақтың талантты ақыл - ойларының, стартаптарының басқа да дамыған ірі нарықтарға масштабтау мүмкіндігімен таңғажайып идеялары мен жобаларын іске асыруға мүмкіндік береді", - деп MOST холдингінің ұйымдастырушысы және басқарушы серіктесі Павел Коктышев атап өтті.

"Жасанды интеллект таңғажайып инновациялар әкеліп,  жаңа көкжиектер ашады. Сонымен қатар 2030 жылға қарай әлемдік ЖІӨ-ге 15,7 триллион доллар қосуы мүмкін. Бірақ технологиялардың талантты тұлғаларсыз пайдасы жоқ. Дәл осы адами капитал әлемді жақсы жаққа өзгертуге ұмтылған ақыл-ойлар мен мекемелерге көмегін беріп отыратын жасанды интеллекттің дамуына жағдай жасайды. CEVF форумында біз болашақты жарқын әрі табысты ету үшін технологиялар мен таланттарды біріктіреміз", - деп Investbanq бірлескен ұйымдастырушысы және негізін қалаушы Олжас Жиенкул толықтырады.

Форум бизнес-періштелер, венчурлық инвесторлар мен қорларды, технологиялық стартаптар мен корпорацияларды, сондай-ақ аталған аймақтың венчурлық индустриясына қызығушылық танытқан барлық адамдарды біріктіруді жоспарлап отыр.

2022 жылы венчурлық форум Алматыда 800 қатысушыны жинап, Орталық Азияның технологиялық экожүйесі үшін ең ауқымды іс-шараға айналды. Форумға қатысқан стартаптардың айтуынша, командалар инвесторлармен қарапайым байланыс арқылы 5 миллион доллар сомасында инвестиция жинады. Ал инвесторлар қызықты стартаптарды тауып, институционалды ойыншылармен желістерін кеңейтті.

Форумды Алматы қаласының әкімдігі мен цифрландыру басқармасы, АҚШ-тың Халықаралық даму агенттігі (USAID), Еуропалық Қайта Құру және Даму банкі (EBRD), Freedom Broker, Astana Hub халықаралық технопаркі, цифрлық төлемдер индустриясының әлемдік көшбасшысы Visa компаниясы, Халықаралық Қаржы Корпорациясы, Дүниежүзілік банк тобының мүшесі (IFC) қолдады.

Central Eurasian venture Forum Swissôtel Wellness Alatau Almaty (бұрынғы Алатау шипажайы) аумағында Таусамалы көшесі, 50А мекенжайы бойынша өтеді. Форумға билеттерді, аллеядан стартап ретінде орынды https://ventureforum.asia/ сайтынан алуға болады.