Алексей Шаравар ірі корпорациялармен жұмыс істегісі келетіндерге үш қарапайым, бірақ маңызды кеңестер береді.

Стартап-корпорацияның тандемінде екі тарапқа да әрдайым пайда: стартап үшін ақша, үлкен дерекқор және ірі компаниялардың тәжірибесі, корпорациялар үшін мәселенің шешімі бар. Бұл ретте ынтымақтастықтың әртүрлі форматы туралы: серіктестік қарым-қатынастан сіңіріп алуға дейін айтуға болады. Мысалы, былтыр Beeline Қазақстан Verigram стартапымен жұмыс істеді. Осы коллаборацияның арқасында компания барлық өніміне пайдаланып жүрген биометрияның шешімін алды: енді абоненттер үйден шықпай-ақ «Менің Beeline-ым» қосымшасында тексеруден өтіп, SIM-картаны ресімдей алады. 

Телеком-оператор мобильді необанк, музыка қосымшасы, видеостриминг кіретін өз экожүйесін дамытуда, ал «Менің Beeline-ым» қосымшасында ойындары, төлемдері, жаңалықтары және басқалары бар бөлім бар. Бұл ретте компания әрдайым жаңа әрі қызық шешімдерді іздеп жүреді. 

Алексей Шаравар — Beeline Қазақстанның Change&IT директоры идеяңызды немесе стартапты ұсынғыңыз келгенде нені ескеру керегін айтты. 

Сенімді әрі батыл сөйлеңіз

Ұсынуға келген адам идеясы үшін жанып тұруы және соған берілуі аса маңызды, жоба туралы бәсең әрі уайыммен айтпауы керек: ондай стартаперлермен бизнес жасау емес, тамақтандырғың келеді. 

Ұсынуға дайындалып келіңіз

Бір қарағанда ап-айқын дүние, бірақ жобасын ұсынуға презентациясыз келетін жастар да кездесті. Кездесуден соң мен презентациясын поштаға жіберуін сұрадым, бірақ оны екі аптадан соң алдым. Шынымды айтсам, ол уақытқа дейін ол питч есімнен шығып та кетті. Сондықтан презентацияны алдын ала дайындап, бірден немесе ертеңіне таңертең кіріспе ақпараты, презентациясы және демосы бар хат жіберу керек. 

Кез келген жерде ұсынуға дайын болыңыз 

Лифт болсын, асхана немесе көлікте болсын. Ол өте маңызды, әсіресе қазір, адамдардың басым бөлігі қашықтан жұмыс істейтін кезде. Мен стартапта жұмыс істегенде, ең нашар питчингім Варшаваның стриптиз-клубында болды, онда мен бір саммитттен соң жобамды PornHub кіретін корпорацияның маркетинг жөніндегі вице-президентіне таныстырдым. Ол кезде біз маркетплейс едік, ал оларда венчурлы қор бар еді және олар интернет-стартаптарға инвестиция салатын. Егер Сізде осыған ұқсас жағдай болмаса, демек, сіз әлі толық тырысып жүрген жоқсыз. 

Телеком-операторды қандай тақырыптар қызықтырады дегенге келсек, жауабы қарапайым: «Компанияға бәрі - 1440 минутыңызды немесе тәулігіне 24 сағатыңызды қайда жұмсайтыныңыз, не көретініміз, не тыңдайтынымыз, не жейтініміз, немен айналысатынымыз – бәрі-бәрі қызық болуы мүмкін. Бізде интернет пен ауқымды деректер бар екенін ескерсек, меніңше керемет тарих шығатын сияқты», - дейді Алексей.