Бағдарлама аясындағы оқыту, алдыңғы үш лектегідей, офлайн форматта 3 айға созылады және Астана қаласында өтеді. Google for Startups және Astana Hub жетекші сарапшылары шеберлік сабақтарын, воркшоптар, мақсатқа жетудің құрылымдық әдістемесін құруға, бизнес ауқымын кеңейтуге және кірісті арттыруға көмектеседі.

Сондай-ақ Astana Hub шетелдік қатысушыларды баспанамен, технопарк аумағындағы жұмыс алаңымен қамтамасыз етеді, визалық қолдау жасалады, ал ең ерекше кейстерге PR қолдау көрсетіледі.

Еске салсақ, Қазақстан Орталық Азиядағы Google for Startups жаһандық компаниясымен бірлесе акселератор өткізіп жатқан бірінші және жалғыз мемлекет. Silkway Accelerator бірлескен бағдарламасының өткен жылғы екі легінің тиімділігі мен өнімділігін ескере отырып, Google for Startups 2023 жылы Astana Hub-пен эксклюзивті серіктестігін жалғастыруды шешкен болатын.

Бағдарламаның бірінші, екінші және үшінші легінің қатысушылары туралы толығырақ astanahub.com платформасынан білуге болады.

Google for Startups - 2011 жылы Google корпорациясы іске қосқан стартап бағдарламасы. Оның 125 елде 50-ден астам коворкинг пен акселераторы бар, технологиялық кәсіпкерлер үшін практикалық сабақтар ұсынады.