Өтінімдер 2 маусымға дейін мына сілтеме арқылы қабылданады.

Silkway Accelerator үш жыл ішінде 1300-ге жуық өтінім қабылдады. Олардың ішінен 62 стартап іріктеліп, бағдарламаны сәтті аяқтады. Бұл жобалар $28 млн астам инвестиция тартып, түлектерінің жалпы нарықтық бағасы $500 млн асты. Олар өз қызметін БАӘ, Түркия, АҚШ және басқа да елдердің нарықтарына шығарды. Жемісті жобалар қатарында Zypl.ai, Arlan Biotech, NB Fit, UvU, ApartX, Biometric, ZebraEye, Alaqan және басқалары бар.

«Silkway Accelerator қатысушылары әлемдік деңгейдегі менторлармен, сарапшылармен және инвесторлармен жұмыс істеу мүмкіндігіне ие болады. Сондай-ақ олар мықты халықаралық қауымдастықтың мүшесіне айналып, өнімін дамытуға толықтай назар аударады. Командалар күнделікті гипотезаларды тексеріп, көрсеткіштерін жақсартып, жаңа деңгейге көтеріледі. Алтыншы лекке қатысушылар Astana Hub Ventures тарапынан инвестиция алуға үміткер бола алады. Бағдарламаның басты ерекшелігі – Digital Bridge 2025 форумында өтетін Demo Day. Бұл іс-шарада стартаптар өз жетістіктерін инвесторлар мен технологиялық экожүйе өкілдеріне таныстырады», – деді Ербол Ахметов, Astana Hub бизнес бағдарламалар офисінің директоры.

Бағдарламаға өнімін нарыққа шығарған, PMF немесе Scale сатысындағы және Астанада 12 апта бойы қарқынды жұмыс істеуге дайын технологиялық стартаптар қатыса алады. Оларға интенсивті трекинг, тегін кеңсе мен коливингте тұру, менторлық қолдау, халықаралық қауымдастыққа жол ашу, PR-сүйемелдеу және инвестициялық мүмкіндіктер ұсынылады.

Қазақстан – Google for Startups жаһандық компаниясымен бірге Орталық Азияда акселератор жүргізетін алғашқы және әзірге жалғыз мемлекет. Бағдарламаның бірінші, екінші, үшінші , төртінші және бесінші легінің қатысушылары туралы толығырақ astanahub.com платформасынан білуге болады.

Анықтама үшін:

Google for Startups – 2011 жылы іске қосылған стартаптарды қолдау бағдарламасы. Бүгінде ол әлемнің 125 елінде 50-ден астам коворкинг пен акселераторды біріктіріп, жас кәсіпкерлерге тәжірибелік білім береді.

Astana Hub – Орталық Азиядағы ең ірі технопарк. Оның қызметі IT-бизнестің экожүйесін дамытуға, IT-мамандарды даярлауға және стартаптарды қолдауға бағытталған. Бүгінгі таңда технопаркте 1663 IT-компания тіркелген, оның ішінде 440-ы шетелдіктердің қатысуымен.