avatar

Автономный кластерный фонд «Астана Хаб»

Қар. 3, 2025 00:00

Жас кәсіпкер Орталық Азияның стартаптарын біріктіретін база құрып жатыр

Үмед Рахимов мектеп кезінде-ақ информатикаға қызығып, жоғары оқу орнында ІТ мамандығын таңдаған. Бірінші курстан бастап стартаптарда жұмыс істеп, кейін өз жобасын – Тәжікстанда жұмыс іздеуге арналған vazifa.tj сервисін іске қосқан. Бұл шешім ел ішінде кеңінен танымал болды. Алайда биылғы жылдың басында Үмед компаниясын сатып, Stanbase атты жаңа жобаны қолға алды. Бұл – Орталық Азиядағы инновациялық стартаптар мен венчурлік және бизнес инвесторларды бір платформаға біріктіретін деректер базасы. Digital Business және Astana Hub бірлескен «Орталық Азияның 100 стартап тарихы» жобасы аясында Үмед Stanbase идеясының қалай пайда болғанын және сервистің шетелдік ұқсас платформалардан қандай айырмашылығы бар екенін айтып берді. Сондай-ақ, фаундерлер жобаны дамытуға қанша қаражат салғанын, стартаптың табыс табу тәсілін және алдағы бір жылда қай бағытта дамитынын да білдік.
Hub news
0
avatar

Автономный кластерный фонд «Астана Хаб»

Қаз. 31, 2025 00:00

Ташкенттен шыққан жігіттер дүкендерге AI-камера жасап, $1,8 млн алды

Ташкенттен шыққан Шахзод Өмірзақов пен Джамшид Хакимжонов 2021 жылы TASS Vision стартапын құрды. Команда дүкендерге арналған AI-камералар жасап шығарды. Бұл жүйе компьютерлік көру технологиясының көмегімен дүкенге келушілер ағынын талдап, олардың жынысы мен жасын анықтайды және дүкен иесіне табысты арттыруға көмектеседі. Бүгінде TASS Vision шешімдері Қазақстан, Өзбекстан, Перу және Түркияны қоса алғанда, 10 елдегі 2 мыңнан астам дүкенге орнатылған. Осы уақытқа дейін стартап $1,8 млн инвестиция тартты.
Hub news
0
avatar

Автономный кластерный фонд «Астана Хаб»

Қаз. 30, 2025 18:10

Aman қазақстандық стартапы STEPPE Awards 2025 премиясының жеңімпазы атанды

Алматы қаласында креативті индустрия саласындағы екінші ұлттық STEPPE Awards 2025 сыйлығының марапаттау рәсімі өтті. Кештің ең әсерлі сәттерінің бірі – «Креативті IT – Ең үздік жаңа IT-жоба» номинациясы бойынша жеңімпаздың жариялануы болды. Бұл атаққа Hero Training халықаралық акселерациялық бағдарламасының қатысушысы Aman стартапы ие болды. Бағдарлама Draper University серіктестігімен жүзеге асырылады.

Hub news
4
avatar

Автономный кластерный фонд «Астана Хаб»

Қаз. 30, 2025 16:42

ГФР Бундестагы делегациясы Astana Hub-қа келді

Германия Федеративтік Республикасының Бундестаг депутаттары Astana Hub халықаралық инновациялық кластеріне жұмыс сапарымен келді. Делегацияны Тұтынушылар құқығын қорғау және құқықтық мәселелер жөніндегі комитет төрағасының міндетін атқарушы Карстен Мюллер бастап келді.
Hub news
2
avatar

Автономный кластерный фонд «Астана Хаб»

Қаз. 29, 2025 18:13

АҚШ делегациясы alem.ai-ға келіп, Қазақстанның жасанды интеллект экожүйесімен танысты

Қазақстанға ресми сапар аясында АҚШ Президентінің арнайы өкілі Серджио Гор бастаған америкалық делегация alem.ai жасанды интеллект орталығына барып, еліміздің стартап экожүйесі мен технологиялық жобаларының дамуымен танысты.
Hub news
2
avatar

Автономный кластерный фонд «Астана Хаб»

Қаз. 28, 2025 18:10

«$200 мың өз ақшамызды салдық». Өзбекстандағы стартап қалай ірі банктен $12 млн инвестиция алды

Ташкенттегі кәсіпкерлер Рустам Хамдамов, Вадим Захарьян және Жахонгир Нарзуллаев телеком-компанияда қызмет етіп жүріп, бөлшек сауда дүкендеріне арналған IT-платформа жасау идеясына тап болады. Әріптестер көп ойланбай, BILLZ стартапын құрады. Қазір жоба Өзбекстан, Қазақстан, Тәжікстан және Қырғызстанда 5000-ға жуық клиентке қызмет көрсетіп жатыр. Биыл BILLZ грузиялық TBC банкімен $12 млн көлеміндегі келісімге қол қойып, бақылаушы үлесін сатып, жергілікті жобадан банк экожүйесінің бір бөлігіне айналды. Digital Business тілшісі Astana Hub-пен бірлескен «Орталық Азияның 100 стартап тарихы» жобасы аясында Рустам Хамдамовпен кездесіп, өнімді іске қосу және сол жолда қандай қателікке ұрынғаны туралы әңгімелесті. Кәсіпкер команда неге дүкендерде түнегенін, BILLZ жүйесін клиенттер несімен жоғары бағалайтынын және таңғы ас үстіндегі кездейсоқ таныстық қалай миллиондаған долларлық шешімге ұласқанын айтып берді. Сондай-ақ, банктің стартапты сатып алуына қатысты неге еш күмән болмағанын түсіндірді.
Hub news
2
avatar

Автономный кластерный фонд «Астана Хаб»

Қаз. 28, 2025 00:00

АҚШ-та стартап бастап, $2,7 млн тартқан. Ташкенттік IT-кәсіпкердің оқиғасы

Ташкенттік кәсіпкер Акмаль Пайзиевтың бизнес саласында жүргеніне 20 жылдан асты. Осы аралықта ол бес компания құрған. Солардың екеуін ірі нарық ойыншыларына сатып, табысты экзит жасады. Қазір Акмаль Numeo AI деп аталатын жаңа жобасын дамытып жатыр. Бұл компания логистика мен жүк тасымалына арналған арнайы жасанды интеллект агенттерін әзірлейді. Үлкен тәжірибесіне қарамастан, бұл стартап өзбекстандық фаундер үшін бір жағынан жаңа, әрі зерттелмеген бағыт болды. Біріншіден, компания АҚШ-та тіркелген және тек сол нарыққа бағытталған. Бұған дейін кәсіпкер тек өз елінде жұмыс істеді. Екіншіден, бұл мүлде басқа сала. Жоба индустрияның жанама қатысушыларына емес, тікелей жүк тасымалдаушыларға көмектеседі. Үшіншіден, шешім жасанды интеллектке негізделген. Бұл қазір қарқынды дамып келе жатқан бағыт және жоба NFX венчурлық қорынан бірнеше миллион доллар инвестиция алған. Digital Business пен Astana Hub бірлескен «Орталық Азияның 100 стартап тарихы» жобасы аясында Акмаль Numeo AI-дың қалай дамып жатқанын және жалпы көлемі қазірдің өзінде 850 миллиард долларды құрайтын АҚШ-тағы логистика нарығының ерекшеліктерін айтып берді. Сондай-ақ ол сала қызметкерлерінің жасанды интеллектке деген сенімсіздігі мен стартапты америкалық нарықта қалай кеңейтуді жоспарлап отырғаны жайлы да сөз етті.
Hub news
0
avatar

Автономный кластерный фонд «Астана Хаб»

Қаз. 24, 2025 10:15

Tomorrow School IT саласындағы жаңа буын мамандарды дайындайтын орта

Бір жыл бұрын Astana Hub халықаралық инновациялық кластерінде ерекше білім беру бастамасы Tomorrow School, яғни Қазақстандағы алғашқы жасанды интеллект мектебі ашылды. Бұл мектептің басты ерекшелігі – peer-to-peer форматындағы оқыту жүйесі. Мұнда дәстүрлі оқытушылар жоқ, студенттер бір-бірінен үйреніп, тәжірибе алмасады. Осындай тәсіл білім алушылардың өздігінен ойлау қабілеті мен жауапкершілігін артырып, командалық жұмыс дағдыларын дамытады.

Hub news
6
avatar

Автономный кластерный фонд «Астана Хаб»

Қаз. 24, 2025 00:00

Ауғанстанда жұмыс істеп, кейін $6 млн-ға бағаланған стартап құрды. Бішкектен шыққан қыздың оқиғасы

Дина Руслан бастапқыда өмірін технологиялармен байланыстырамын деп ойлаған емес. Бірақ ақыры ІТ саласынан өз орнын тапты. Қырғызстанның Халықаралық университетін «Бағдарламалау және аналитика» мамандығы бойынша бітірген соң, шетелде оқу үшін ақша жинау мақсатында бір жыл Ауғанстанда жұмыс істеді. Кейін Калифорниядағы Линкольн университетінің магистратурасына түсіп, АҚШ-та мансабын құра бастады. Алайда бірнеше жылдан кейін бәрін тастап, туған қаласына оралуды шешті. 2020 жылы Дина Codify атты балалар мен жасөспірімдерге арналған ІТ-мектеп стартабын құрды. Екі жылдан кейін компанияның құны 6 миллион долларға бағаланды. Digital Business пен Astana Hub-тың бірлескен «Орталық Азияның 100 стартап тарихы» жобасы үшін Дина Ауғанстанда немен айналысқанын, АҚШ-тағы ең қиын кезеңдерін және бала кезіндегі бір оқиғаның тәуекелден қорықпауға қалай үйреткенін әңгімелеп берді. Сондай-ақ біз Динаның ең қымбатқа түскен қателіктері туралы және Codify-дің басқа ІТ-мектептерден несімен ерекшеленетінін білдік.
Hub news
0
avatar

Автономный кластерный фонд «Астана Хаб»

Қаз. 21, 2025 17:23

Қазақстан мен Әзербайжан президенттері Alem.AI халықаралық жасанды интеллект орталығына барды

Орталықта Қасым-Жомарт Тоқаев пен Ильхам Әлиев цифрлық технологияларды дамыту және жасанды интеллектіні қолдану жетістіктерімен танысты.

Hub news
1